2010-12-08

Bo Nadal a todos (2010)

No 2011 celébrase o 50º do pasamento do gran escultor cambadés Francisco Asorey, polo que escollín a praza que leva o seu nome nesta vila como escenario para desexarvos unha boa entrada de ano a todos e todas. E, sobre todo, moita saúde.

2010-11-29

Carta de Cuba (2010)


Cando virá (2010)


Por estas ilustracións concedéronme o 1º premio no II Certame de Ilustración sobre a Emigración "Valle de Oro". Este ano centreime no drama e sofrimento que supuxo a emigración para os que se quedaron, sobre todo nas mulleres.

2010-11-13

Isla del Caballo (2010)


Esta é a Illa do Cabalo, á que quero marcharme unhos meses. Só viven tres ou catro veciños silenciosos. Fíxenlle unha solicitude ao fareiro para que me acolla de inquilino. A cambio decorareille o seu faro cun mural cheo de estrelas de mar fugaces. Pois as estrelas ou son fugaces ou non son estrelas. Incluídas as de mar. Díxome que música e libros non iban faltar e que na bodega hai unhas 6500 botellas. Veremos.

2010-11-05

Hábitat insostible VII (24x24) (2010)


Quero irme un par de anos de vacacións a unha illa como ésta. Cun faro e casiñas moi apretadas sobre a rocha dura e lonxana. Moitos libros, música, pinceis, acuarelas, mar e vento.

2010-10-11

Portada de Aventura na Mariña (2010)


Atopei este debuxo mentres buscaba outro. Case sempre que vexo algún traballo de fai anos comezo a poñerlle pegas pola cor, pola composición, por isto ou polo outro. Con esta Maruxaina non me pasa. Gústame. E a vos?

Adeus (2010)


Sigo traballando no tema da emigración. O ano pasado intereseime polos "tipos" de episodios que lles aconteceron aos indianos. Desta volta voume centrar máis nos que se quedaron. Veremos.

Traseira da igrexa de Vilalba (2010)


Por este cadro déronme un accésit no II certame de Pintura Rápida de Vilalba (2-X-2010)

2010-06-11

Arquitectura insostible VI, 2010


Os éxitos, tan escasos como esquivos, parece que no meu caso veñen da man do pequeno formato. Este cadriño foi seleccionado pola Galería Amaga na sua III bienal de pequeno formato. Unha parte das vendas será para sufragar custos sanitarios en Africa. A ver.

2010-04-19

Portadas (versións en galego e en español). (2010)


Xa está nas librerías "De acuarelas por Santiago". Editado por CUMIO. Con este libriño cumprín un sono. Pequeno, pero sono ao fin e ao cabo. Entre 1976 e 1988 vivín, estudei e, como case todos, saín de copas por Santiago. Daquela soñaba con publicar algún día un caderno de acuarelas sobre a nosa cidade. Oxe publiquei o libro "de acuarelas" mentras boto de menos os anos "de copas". Paradoxos da vida. Agardo que vos guste.

2010-03-27

Traballo en equipo (2010)


Nas horas de garda aproveito para facer apuntes dos alumnos. Mentres non se decatan quedan poses naturais.

2010-02-18

Praza de Salvador Parga (Santiago) (2010)


Aproveitando as ultimas luces do día para xogar á pelota fronte ás Casas Reais.

Praza das Campás de S. Xoán (Santiago) (2010)


De acuarelas por Santiago. Cántas historias enchen recunchos coma este!

2010-01-29

Anabel espida (2010)

Hábitat insostible IV (2009)

Vilalba VIII (2009)

Cala farocromática (2009)

Epicromía con restos de beiramar (2009)

Campo Castelo (Lugo) (2009)

4º premio Rábade (2009)

1º Premio UNESCO-Tapia de Casariego (2009)

Picadilly Circus (2009)

Pazo de Fefiñáns (Cambados) (2009)

Fefiñáns (Cambados) (2006)

Torre dos Moreno (Ribadeo) (2009)

Castropol(2009)

Villa Julia (Barreiros) (2008)

O Grove (2009)